Video: Beckham kampion me LA Galaxy

Autor: B.Haxhijaha

02 Dhj 2012

Video: Beckham kampion me LA Galaxy
Për herë të dytë radhazi, Los Angeles Galaxy është ekipi kampion i Major League Soccer. Ekipi kalifornian mundi 3-1 në finale rivalët e Houston Dynamo me gola të Gonzalez 60’, Donovan 65’, (pen), Keane 90’ (pen.) ndërsa Carr realizoi golin e vetëm për kundërshtarët. 

Pavarësisht një nisjeje të dobët, LA Galaxy arriti të marrë kontrollin e ndeshjes gjatë pjesës së dytë ku dhe përmbysi golin e Carr me një ndeshje mjaft të mirë edhe të ish reprezentuesit Anglez David Beckham.

Për këtë të fundit ishte ndeshja e lamtumirës dhe e ndarjes me ekipin amerikan pas 5 sezonesh të luajtura, por ky sukses i dha mundësinë mesfushorit dhe LA Galaxy për një “happy-end” mes tyre. 

Pavarësisht se është 37 vjec, Beckham deklaroi se ndihet ende i ri për të luajtur dhe luftuar për tituj të tjerë të rëndësishëm me një ekip tjetër. Ish lojtari i Man. United falënderoi tifozët dhe klubin për gjithçka kanë bërë në 5 vjet bashkëpunim mes tyre.

Me LA Galaxy, David Beckham ka realizuar 18 gola në 98 takime ndërsa sezonin e kaluar ekipi i tij u shpall kampion.

Source: SuperSport

Komentet

Vërejtje

Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të "Veqsport". Për ta shfrytëzuar materialin e këtij portali obligoheni t'i pranoni Kushtet e Përdorimit.

VeqSport në Facebook